dimanche 26 août 2007

مقال فني فــقـــط

تعددت النداءات في المدة الأخيرة لإعادة أختيار نجم ستار أكاديمي لفترة انتخابية جديدة.

شروط المـسابقـــة - كما وردت في النسخة الغربية الأصلية - تنص على أن لا تتم أعادة أختيار نفس النجم للحصول على لقب الأمتياز أكثر من مرة ... لكن بحكم نفوذه أستطاع نجمنا الحفاظ على مكانه... و تمكن من تغيير أصول و أساليب أختيار الفائز بهذا اللقب... فحافظ على مكانه لأجل غير مـُـــسمى ...

يدعي البعض أنه من بين أسباب ألتـــــفاف الجمهور غـــصبا حول نجمنا هو أنـــــعدام الوجـــــوه المنافسة... طبعا هذا غير مـــعــــقــــول: هل يُـــعقل أن لا يــُـــــنجب شعــــــبنا نجوما لامعـــــين؟؟؟ نجوما قـــــادرين على هز عرش النجومية و زحزحة ركود الساحة الفــــنــــــية؟؟؟...

المشكلة تكمن أساسا في عدم فتح المجال للمواهب لتبرز على الساحة : هذا موضوع بديهي بحُــــكم غــــرق وسائل الأعلام في مســــتــــنـــقـــع الرداءة...

للأسف, المواهب الحقيقية مغلوبة على أمـــرها... تم التضـــيـــيق على حفلاتهم فلم يتمكنوا من التعريف بأنفسهم لدى الجمهور العريض... لكن تــُــــــــرك مـُـــتـــنـــفـــس صغير للأصوات الناشزة للإيحاء بوجود منافسة حقيقية... نشاز هذه الأصوات الضعيفة نـــفـّــر الجمهور الذي لم يثق أصلا في جدية ترشحهم و منافستهم على الـلــــقــــب...

المشكلة الأسوأ التي تمنع ظهور وجوه ألمع , هي ترفكة تصويت الجمهور: الموزع الصوتي أثبت عدم جدواه... بلمسة زر تــُـــقلب نتائج التصويت... فلا وجود لوسائل ضامنة لنزاهة عملية الإقتراع.

8 commentaires:

arabicca a dit…

الأسباب التي جعلت هذا الجمهور يكتفي بالفرجة السلبيّة هي أمثالنا الشعبيّة/ منذ الصغر الجمهور المسكين مستمع وفي لأذاعة قالولو ويستمع لبرنامج اليوم شد مشومك لا يجيك ما أشوم
وعندك حاجة عند الكلب قلو يا سيدي وآش لز حمّة يغنى وأخطى راسي وأضرب ولا تدخّل ايدك للمغاغر لا تلسعك الأحناش بعد ها البرامج الجمهور العزيز يضربلها شقالة كسكسي وحلاّب رايب ويتفرّج في الأخبار فتنزل بردا وسلاما عليه ومن ثمة يقوم بتمارينو الرياضية اليومية في التصفيق والتنوفيق والنقيق و...يق ومن ثمة ينام قرير العين
عزيزي فري بربّي قلّي من أين لجمهورنا القدرة على التسويط (هو اصلا طايب حلفة) وموش مستانس بالبدع اللهم عافينا وزيد الفنان هذا نغمتو صبا عاجبتنا وأحنا يعطينا عزا انحاولو فيه باش يزيد يمتعنا ويغنيلنا فترة أخرى وهو حاشم على روحو اكا اللي ما عينتوش بالكل وبصراحة أحنا لزينالو برشة
توة انوصو على شعب والا زوز يريقلونا الامور متاع التصويت والطرايح واحنا كى العادة نطلعو نظاف قدام ربي وقدام الحاكم
أى في الأمان

روتانا موسيقى a dit…

بيناتنا النجم متاع الستار أك الي عندنا هبال يستاهل يربح او ديما يربح بربي شوفوا شعراتو الكحل محلاهم بون صحيح صوتو فيه تخنفيرة هكة شوية تقلق أما أبار سا إب كلو على بعضو حلو
جيست إنحب إنقول لنبارة بليز يزيو متنبير أو خليونا نتمتعو بالنجم معبود الجماهير من غير تنغيص أو ما تنساوش باش تبعثو سمس على الرقم 87787
وكتبوا 99.99

kmaira a dit…

il ne faut pas oublier les partenaires officiels et les sponsors de notre starac. qui appuient et protègent de toute leur force et argent leur star adoré.

FREE-RACE a dit…

@arbicca:
جمهورنا ذواق و يفهم في أصول الفن...لكن الدنيا أذواق...و قلة فقط من هالجمهور الذواق قاعدة أتبع في الأصوات الناشزة.. لكن للأسف... هالقلة مالجمهور الردئ حطولهم مكبرات صوت في المدارج باش يعلو صوت تصفيقهم و باش يظهرو أكثر ببرشة من عددهم الحقيقي
@rotana music
من غير ما نبعثو سمس: التصويت يتم بشكل أوتوماتيكي...كل من يملك هاتف جوال , يتم أقتطاع رسالة أو رسائل قصيرة من هاتفه تـُـــرسل للرقم الموحد المعروف
@Kmaira:
les partenaires familials;
الأقربون أولى بالمعروف

lasnumberone a dit…

QUAND TOUT SE MELE ET ON NE FAIT PLUS LA PART DES CHOSES... DES JEUNES QUI MEURENT POUR LA STARACADEMY, ET REGARDENT SILENCIEUSEMENT LE SORT DRAMATIQUE DE NOTRE PIECE DE THEATRE;
ON VOTE NOTE STARACADEMICIEN,ON VOTE NOTRE STAR, ON VOTE NOTRE DRAPEAU, ON VOTE NOTRE PATRIE, ON VOTE, ON VOTE....
NOUS NE GAGNONS RIEN, MAIS CE SONT LES CHAINES QUI SONT ENTRAIN DE FAIRE FORTUNE SUR LE DOS DES JEUNES IMMATURES

brastos a dit…

Free..c'est superbe..
(je parle du post ..et non pas du star en question :)))

Anonyme a dit…

يا خويا الكلو من وزارة الثقافة على خاطرها تسربي للناس في الغنا بوذروح وما هيش قاعدة تعلم فيهم اصول الفن الصحيح على فكرة خويا العزيز الشعيب التونسي الكلو عندو أمل يغير مدرب الفريق الوطني بعد كل مباراة جاكش واحد من ها الشعيب العزيز يحب يبدل النجم الغالي متاع ستار اكاديمي؟وانتم شبيكم على الثروات متاعو ومتاع جماعتو النظاف؟تي ماهو النجوم الكل عندهم ثروات أسترونوميك ترضاو تتفرجو على نجم ضاربو الصباط؟

أدهم a dit…

خويا فري برجولية هي شوية من الحنة وشوية من رطابة الايدين..صحيح الجمهور مغفّل و راقد في العسل ما يسألش و ما يعرفش غير فنّاننا الغالي لكن زادا الفنّانين الاخرين لا حس و لا خبر ممكن على خاطر فنّاننا الغالي مسيطر على الملحنين و الشعراء الكل و وسائل الاعلام السمعي البصري و الشّمّي و الذوقي لكن هذا ما يمنعش بش يتحرّكو شوية يعرّفو برواحهم و يعلّقو تصاورهم كل يوم مش كان وقت الحفلات على كل الله يستر الفن متاعنا انا نشوف فيه داخل في حيط