قــــصّــــيتوش؟ هالـــهدرة راهي فاشوش في فاشوش

.

غرق قالت: " هيـــا... بديتوش؟ تحـــرّكتوش؟

شبيكم في قطيع ؟ كالعلوش !! "

كـــانك عــــالحارق ما عــمبالوش..باش يخليها واسعة و عريضة... يحب على فلوكة...بالكشي تخطفلوش...

و فجأة...أنطلقوا الهوش متاع أرابيكا في الحوش... يفسدوا و يخربوا...ما يحشموش!

اللصة رقم واحد قالت ما تسكتوش !

و قامت تحرّض فـــــيــــكم : فـــقـــتــــوش؟ فقـــتــوش ؟ إتطورتوش ؟

و قام المــُـحافظ , من غادي , يـــســـتـــفـــز في الخلق: يساند في بوش!

و اللي ما أقتنعوش...بعـــثهـــم الـــكــــل ... للــــدوش!

لذلك...قرّرت باش نفـُــضـــها بالسياسة...و كان لزم بالكرتوش =

بالله علاش هــــالفوضى ؟... ياخي ما تستحوش؟ ما تفهموش؟

شبيه كي نسألوكم على رايكم ...ما تجاوبوش.

إســتـــفـــتــــيــــتـــــوش؟

أنــتـــخــبتوش؟

صـــوّتوش؟

و الخـــلوة...دخلتوش؟

أختـــرتوش؟

نــاقـــشــتوش؟

عـــارضتوش؟

تظاهرتوش؟

تـــجـــمّـــعتوش؟

آه...عرفتكم ... في هـــــالعمايل ما فــــلـــحتوش !!!

باهي...

صفّـــقتوش ؟

لحّـــستوش ؟

تفاهمتو باش ما تتفاهموش ؟

إقترضتوش ؟

الصبّـاط...عــــلّـــقتوش؟

خوك في الــــشٌربة... دزيتوش ؟

رقدتوش ؟

غــمار المنافسة... ركــبتوش ؟

أرتشيتوش؟

مالجيش...هربتوش؟ عدّيتوش ؟

ســـانــِـــدتــُـــوش؟

قوّدتوش ؟

قالولكم... يــــا جحوش ؟

عـــيّـــطتوش ؟

الفيستة....قلبتوش ؟

تخدّرتوش ؟

الـــبـــودورو...كتبتوش ؟

الجماعة يحــبوه يلبس الكوش...

باش يقسموها بــيـــناتـــهم ... و ما يتناحروش...

...لكن الشعب قال ...ديــــويــــوْ !!!...المرة الجاية... نحاولوا باش ما يـــشـــدّوش.